Somos o Centro Nacional de Intelixencia (CNI)

Estamos adscritos ao ministerio de Defensa e colaboramos con distintos organismos da Administración, entre eles as forzas e corpos de seguridade do Estado. Actuamos sempre baixo a supervisión e control dos poderes Executivo, Lexislativo e Xudicial.

Traballamos cada día para protexer á sociedade española de distintos tipos de ameazas. Tratamos de anticiparnos á aparición desas ameazas, buscando información e transformándoa en Intelixencia, co obxectivo de apoiar ás autoridades na toma de decisións.

Cremos que a Intelixencia é a mellor defensa da nosa sociedade.