Existen ciberataques que poden socavar a seguridade nacional, o Estado de dereito, a prosperidade económica e o normal funcionamento da sociedade e das Administracións públicas.

Por este motivo, partindo do coñecemento do Centro Nacional de Intelixencia sobre as ameazas e as vulnerabilidades, no ano 2004 creouse o Centro Criptolóxico Nacional (CCN). Os principais esforzos do CCN están dirixidos a reducir os riscos e as ameazas procedentes do ciberespazo, a través do seu Equipo de Resposta a Incidentes de Seguridade da Información (CCN-CERT).

Asimesmo busca promover o uso de produtos e sistemas seguros, xa que constitúe o Organismo de Certificación (OC).

O CCN é o organismo responsable de garantir a seguridade dos servizos de tecnoloxías da información e das comunicacións nas diferentes entidades da Administración Pública, así como da seguridade dos sistemas que procesan, almacenan ou transmiten información clasificada.