Se queres enviar o teu CV, diríxeche a “Traballa no CNI”

Se queres colaborar co Centro, diríxeche a “Colabora co CNI”

Se queres contactar coa ONS, diríxeche a “ONS”

Teléfono de contacto: 91 372 5000

1. O usuario está obrigado a coñecer, aceptar e cumprir esta política de privacidade, que se enmarca dentro das estipulacións do aviso legal do portal. É igualmente preceptiva a aceptación previa por parte do usuario das definicións e esixencias do citado aviso legal.
2. En virtude do artigo 2.2 c) da Lei Orgánica 3/2018, de 5 de decembro, de Protección de Datos Persoais e garantía dos dereitos dixitais, do artigo 4. b do Regulamento de desenvolvemento da Lei Orgánica 15/1999, de 13 de decembro, de Protección de Datos de Carácter Persoal, aprobado polo Real Decreto 1720/2007 de 21 de decembro, ambos en relación co artigo 5.1 da Lei 11/2002, de 6 de maio, reguladora do Centro Nacional de Intelixencia, maniféstase que os ficheiros propiedade do CNI atópanse expresamente excluídos do ámbito de aplicación da normativa de protección de datos de carácter persoal.
3. Toda comunicación, dato ou documento de calquera clase —con total independencia da súa natureza ou do procedemento do que traia causa— remitido a través dos servizos albergados no portal do CNI será susceptible de ser incorporado ós ficheiros deste organismo.
4. Es responsabilidade directa e persoal do usuario o uso de todos os datos —de calquera índole— contidos nos documentos e comunicacións que introduza ou remita a través do rexistro deste portal.
5. Recórdase que, en uso da facultade do artigo 16.4.a) da Lei 39/2015, de 1 de outubro, do Procedimento Administrativo Común das Administracións Públicas, o usuario pode dirixir e presentar notificacións ante calquera outros organismos do artigo 2.1 desa mesma norma mediante o rexistro electrónico albergado fóra deste portal, no punto de acceso xeral electrónico da Administración, que se rexe pola súa propia normativa.

O portal do Centro Nacional de Intelixencia foi deseñado co obxectivo de que todas as persoas poidan navegar polos seus contidos sen atopar dificultades no acceso.

A política de accesibilidade aplicada polo Centro Nacional de Intelixencia está conforme coas exixencias do Real Decreto 1494/2007, de 12 de novembro, polo que se aproba o Regulamento sobre as condicións básicas para o acceso das persoas con discapacidade ás tecnoloxías, produtos e servizos relacionados coa sociedade da información e medios de comunicación social.

As páxinas deste sitio web cumpren a marca AA segundo a Norma UNE 139803:2012  e as Directrices de Accesibilidade ó Contido Web 2.0 (WCAG 2.0) pola Iniciativa de Accesibilidade Web (WAI) do World Wide Web Consortium (W3C). Todos os requisitos do Nivel A e do Nivel AA foron comprobados e corrixidos mediante unha análise semiautomática da accesibilidade a través de diferentes ferramentas.

A última revisión de accesibilidade deste portal realizouse o 30/05/2022.

Se atopas algún tipo de dificultade de accesibilidade ou usabilidade na túa visita ó portal do Centro Nacional de Intelixencia ou queres facernos algunha suxestión o respecto, podes contactar connosco mediante o seguinte formulario de contacto. A túa experiencia persoal pode contribuír de forma importante na progresiva mellora do portal.

1. O acceso a calquera contido ou servizo albergado nos enderezos electrónicas www.cni.gob.es e www.cni.es (no sucesivo designados conxuntamente como "o portal") require obrigatoriamente a aceptación previa das condicións detalladas neste aviso legal e nas seguintes definicións:

   • Usuario: Persoa que remite datos de calquera índole a través do portal de internet ou navega polos seus contidos e servizos mediante unha rede de telecomunicacións.
   • Portal de internet: De acordo co artigo 39 da Lei 40/2015, de 1 de outubro, de Réxime Xurídico do Sector Público (no sucesivo "Ley 40/15”), é o punto de acceso electrónico cuxa titularidade corresponde ó Centro Nacional de Intelixencia (no sucesivo "CNI") e que permite ao usuario acceder a través de internet á información e ós servizos (no sucesivo designados conxuntamente como “os contidos”) albergados nos dominios electrónicos www.cni.gob.es e www.cni.es e os seus subdominios.
   • Sede electrónica: Conforme ó artigo 38 da Lei 40/15, é o enderezo electrónico propiedade do CNI, instaurada en virtude da Resolución 1A0/38263/2010, de 1 de decembro, do Centro Nacional de Intelixencia, pola que se crea a sede electrónica do Centro Nacional Intelixencia, que permite ós cidadáns acceder, mediante unha rede de telecomunicacións, ós servizos, informacións e transaccións que o CNI publica ou pon a disposición do usuario mediante o uso de firma ou certificado electrónico ou medios análogos de identificación persoal.
   • Registro electrónico xeral: En virtude do artigo 16 da Lei 39/2015, de 1 de outubro, do Procedimiento Administrativo Común das Administracións Públicas (no sucesivo “Lei 39/15”) é a canle electrónica que o CNI pon a disposición do usuario para efectuar a presentación e asento de todo documento que sexa presentado por vía electrónica ante o CNI.
2. Nos artigos 38, 39 e disposición adicional decimo oitava da Lei 40/15 e no artigo 16 da Lei 39/15, sinálase que son propiedade do CNI o Portal, os contidos albergados dentro dos dominios de internet www.cni.es e ww.cni.gob.es, os seus dereitos de propiedade intelectual e industrial e a titularidade dos devanditos dominios e subdominios.
3. A efectos do exixido polo artigo 16.1 da Lei 39/15, maniféstase que o CNI —con CIF S2830132C e domicilio social na avenida Padre Huidobro 14, 28023 Madrid, España— é un organismo público con consideración de Administración pública conforme ó establecido no artigo 2.3 da Lei 40/15 en relación co Artigo 7.2 da Lei 11/2002, de 6 de maio, reguladora do Centro Nacional de Intelixencia.
4. O uso do portal ou de calquera dos seus contidos ou servizos, así como ó discernimento xurídico de cantas incidencias e responsabilidades se deriven do devandito uso seralle aplicable a lei española con expresa exclusión da que correspondese a calquera outro foro. A navegación ou acceso ó portal ou a calquera das súas partes, contidos ou elementos esixe a renuncia manifesta a calquera outro foro que poida corresponder ó usuario.
5. O uso, reprodución total ou parcial, distribución, comunicación pública, posta a disposición total o parcial dos contidos que se atopen dentro do portal, a súa transformación, tradución, adaptación ou calquera outra actividade similar quedan supeditados á autorización previa e escrita expedida a tal fin por parte do CNI.
6. O CNI resérvase o dereito a denegar discrecionalmente o acceso a calquera usuario, así como a realizar cambios de calquera clase e amplitude no portal sen necesidade de previo aviso ou consentimento.
7. O CNI resérvase o dereito a restrinxir ou impedir a tramitación daquelas solicitudes ou peticións feitas en uso ilegal, abusivo ou arbitrario dos servizos do portal.
8. O usuario deberá revisar e aceptar as condicións e termos que se recollen no presente aviso cada vez que acceda ó portal.
9. La non aceptación dos termos e condicións legais establecidos neste aviso legal implica a prohibición expresa e inmediata de acceso ó portal ou do seu uso.